(Видео) Петрова: Власта во Северна Македонија не најде политичка волја да ги направи потребните реформи

Четири години по прифаќањето на заедничкиот европски консензус, власта во Република Северна Македонија не најде политичка волја да продолжи напред и да ги направи потребните реформи, изјави министерката за надворешни работи на Република Бугарија, Велислава Петрова, во гостување во утринската програма на Бугарската национална телевизија заедно со нејзината унгарска колешка Анита Орбан.

„Се надевам дека таква политичка волја ќе се појави, а спроведувањето на обврската ќе биде најдобриот начин да се врати довербата“, изјави Петрова.

Во однос на проширувањето на ЕУ, Анита Орбан изјави дека Унгарија го поддржува проширувањето врз основа на заслуги.

„Ние го поддржуваме проширувањето на ЕУ засновано на заслуги. Во однос на тие важни критериуми и услови, сите треба да поминат низ истата методологија како нас. И приклучувањето треба да се заснова на заслуги. Што се однесува до Западен Балкан, ние цврсто го поддржуваме проширувањето и тоа до толкав степен што станавме дел од групата за пријателство со земјите од Западен Балкан“, изјави Орбан.

Таа додаде дека во секоја од земјите има по еден унгарски експерт кој работи со владите со цел да им помогне при приклучувањето и исполнувањето на сите критериуми потребни за влез во ЕУ.

Делот посветен на Република Северна Македонија погледнете го после 13:30 на следниот линк.