НОВИ 14 СЛУЧАИ НА КОРОНАВИРУС, ЕДНО ЛИЦЕ ПОЧИНА
Министерството за здравство информира дека денеска Институтот за јавно здравје регистрира 20 оздравени пациенти во: Скопје и Битола по еден, Куманово – 9, Прилеп – 2 и Велес – 7.
Во ГОБ „8 Септември“ почина пациент од Тетово на возраст од 61 година, хоспитализиран на 28 април.
Во изминатите 24 часа направени се 242 тестирања, а потврдени се 14 нови случаи на Ковид-19, и тоа во: Скопје – 5, Прилеп – 2, Тетово – 1 и Велес – 6.
Согласно ова вкупната бројка на ковид-дијагностицирани во нашата земја од почетокот на епидемијата изнесува 1.586, бројката на оздравени пациенти е 1.099, на починати е 90, а во моментов бројот на активни случаи во земјата изнесува 397.
Последната дистрибуција по градови е:
• Скопје – 531, активни 130
Куманово – 404, активни 61
Дебар – 51, активни 0
Штип-35, активни 2
Прилеп –169, активни 62
Тетово – 96, активни 42
Струга – 67, активни 16
Велес – 101, активни 46
Битола –22, активни 3
Охрид –15, активни 9
Кавадарци – 5, активни 1
Гостивар –17, активни 3
Гевгелија – 4, активни 0
Струмица – 2, активни 0
Крива Паланка- 6, активни 2
Радовиш – 4, активни 0
Крушево – 3, активни 0
Кочани – 31, активни 5
Пробиштип – 2, активни 0
Кичево – 2, активни 1
Неготино -9, активни 7 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 1
Пехчево- 2, активни 2
Делчево-1, активни 1
Валандово -1, активни 1
Виница – 2, активни 1
Кратово-1, активни 1
Досега во земјата се направени вкупно 18.410 тестирања на Ковид -19.
Во изминатото деноноќие на Клиниката за инфективни болести и фебрилни состојби примени се двајца пациенти со потешка клиничка слика, а вкупно хоспитализирани 42. На кислородна поддршка се 16, а на механичка вентилација четири пациенти.
Во ГОБ „8 Септември“ примени се четири нови пациенти, а вкупно хоспитализирани 20. На респираторна машина се двајца пациенти и уште двајца се со потешка клиничка слика.
Во болницата во Битола се лекува еден пациент, а на домашно лекување се следат двајца пациенти. Во болницата во Штип се хоспитализирани вкупно пет, а уште еден пациент се следи на домашно лекување. На ифективните одделенија во Прилеп, Велес, Куманово, Охрид и Тетово сe хоспитализирани 46 пациенти, позитивни и сомнителни на Ковид-19.
Извор: Макфакс
