НИШТО НОВО ПОД СОНЦЕТО И МИЈАЛКОВ ИСЧЕЗНА
МВР распиша потерница по Сашо Мијалков откако вчера го бараше на неколку локации низ Скопје. Мијалков не беше откриен Мијалков во неговиот стан во Капиштец, куќата на Водно и во хотелот „Мериот“.
За последен пат е виден вчера попладне во локалот „Дистрикт“ заедно со Ивица Коневски.
Потсетуваме дека на барање на Обвинителството Кривичниот суд издаде решение за куќен притвор за Сашо Мијалков до изрекувањето на пресудата за случајот „Таргет-тврдина“, којашто е закажана за 26. февруари.
Мијалков е обвинет за злосторничко здружување, злоупотреба на службената положба и за примање награда за противзаконито влијание, од кои последното му застарува на крајот на февруари.
