Адмир Лисица за ТВ21: Лажните дојави за бомби имаат за цел да предизвикаат чувство на несигурност

Целта на лажните дојави за бомби веројатно е во целиот регион да се предизвика чувство на несигурност и целиот регион е во една таква несигурна положба, изјави Адмир Лисица, геополитички аналитичар и историчар, во гостувањето во емисијата 10 минути на ТВ 21.

Руското влијание како што вели тој во регонот е големо, Србија е најплодна почва, а останатите држави се насочени кон НАТО и ЕУ, па поради тоа ваквите акции се начин да се предизвика страв и несигурнст.

Тој вели дека слична е ситуацијата, како во Македонија, така во БиХ, Црна Гора, но и Косово.

„Во Северна Македонија како што можев да заклучам, ситуацијата е слична, Македонија сака во ЕУ, сака да биде дел од европското семејство, но на одредени фактори тоа не им одговара. И тогаш, целта е преку вакви акти, низ вакви акции, да се предизвика одредена нестабилност. Во моментов, веројатно тоа се во голем дел лажни дојави, но мора да се сфатат сериозно“, вели Адмир Лисица.

Извор: Zoom. mk