|

Албанија ќе и’ ги врати на Македонија незаконски изнесените икони, предлогот е доставен во Собранието

Вредни икони кои во минатото незаконски биле изнесени во Албанија, се очекува наскоро да бидат вратени во Македонија.

Владата го разгледа и утврди Предлогот на закон за ратификација на Договорот за соработка меѓу Република Северна Македонија и Република Албанија, за враќање на незаконски изнесени икони во земјата на потекло, предложен од Министерството за надворешни работи и одлучи да го достави до Собранието.

Со ратификацијата на Договорот, според образложението од Министерството за надворешни работи, исклучително вредното културно наследство, за кое што претходно се договорија Македонија и Албанија, ќе биде вратено во земјата.

Од Владата велат дека тоа ќе ги продлабочи и унапреди културните односи меѓу двете држави и ќе ја манифестира сериозната посветеност во ефективната заштита на културното наследство и имплементацијата на меѓународните конвенции од оваа област.



Слични Објави