Армијата активно учествува во борбата со големите пожари на територијата на Бугарија

Денес, 11 август, припадници на Копнените сили и Воздухопловните сили на Бугарија активно помагаат во борбата со големите пожари на територијата на земјата, соопшти Министерството за одбрана на Бугарија.

Тим од Воздухопловните сили со хеликоптер „Кугар“ полета во 10:11 часот за да се приклучи на гаснењето на пожарот во реонот на селото Илинденци, Благоевградско.

Од раните утрински часови, 20 војници со техника од 3-тиот механизиран баталјон при 3-та бригадна команда, под раководство на капетан Димитар Димитров, учествуваат во гаснењето на повторно разгорениот голем шумски пожар во Пирин, кој избувна на 25 јули оваа година. Новите жаришта се во близина на Националниот парк „Пирин“. Теренот е непристапен и не дозволува користење на специјализирана механизација, а растечките температури дополнително ја отежнуваат ситуацијата.

Паралелно, 23 војници со техника од 13-тата бригадна команда во Сливен, под раководство на мајор Николaj Ончев, гасат шумски пожар во тешко достапен предел во месноста „Страшко поле“ кај селото Мокрен, Сливенско.