БАФТА го награди филмот за Навални, бугарскиот новинар Христо Грозев не беше присутен на церемонијата
Филмот за рускиот дисидент Алексеј Навални ја освои наградата за најдобар документарен филм на Британските филмски награди БАФТА во неделата, на клучниот учесник бугарскиот новинар Христо Грозев не му било дозволено да присуствува на церемонијата, јавува БНР.
Бугарскиот истражувачки новинар Христо Грозев, долгогодишен критичар на Кремљ,напиша „Wow“ на Твитер по објавувањето на наградата во Лондон, откако рече дека му е „забрането“ лично да присуствува.
Продуцентот на документарецот Реј му оддаде почит на Грозев, кој не можеше да присуствува на гламурозната церемонија поради „ризик од јавната безбедност“.
Грозев – Бугаринот кој е главен истражувач на истражувачката веб-страница Bellingcat е заслужен за помагањето во откривањето на заговорот за убиство на Навални – глуми во документарецот.
Но, тој во петокот напиша на Твитер дека е „изненаден кога открил дека британската полиција му забранила нему и на неговото семејство да присуствува на наградите БАФТА.
Лондонската Метрополитен полиција соопшти само дека „некои новинари се соочуваат со непријателски намери на странски земји додека се во Обединетото Кралство“.
БАФТА соопшти дека безбедноста на гостите и персоналот е приоритет.
На доделувањето на наградите на Здружението на режисери на Америка во Беверли Хилс во саботата, режисерот на „Навални“ Даниел Рохер изјави за АФП дека Грозев е „отстранет“ од наградите БАФТА.
„Русите се обидуваат да го убијат“, рече Роер.
„Нему повеќе не му е дозволено да оди во Европа. Тоа драматично му го промени животот, го промени животот на неговото семејство.
Одлуката да не му се дозволи на Грозев беше „кукавичка“ и „длабоко разочарувачка“, додаде канадскиот режисер.
Истражувачките новинари не треба да бидат казнети кога „ги разоткриваат лагите, корупцијата и геноцидните тенденции на мафијашките структури на (рускиот претседател) Владимир Путин“, рече тој.
Навални, најистакнатиот противник на Путин, беше затворен во последните две години во затвор со максимална безбедност надвор од Москва, откако беше осуден за проневера.
