Белград организира масовна кампања против бугарскиот конзул во Ниш, кој наводно ја дестабилизирал Србија

Во српските медиуми денеска започна масовна антибугарска кампања со лични напади врз бугарскиот конзул во градот Ниш, Петар Данов, јави БГНЕС од Белград.

Во кампањата учествуваат сите провладини медиуми во Србија како Вечерне новости, Политика, Ало, Б92 итн. Сите ја објавуваат еден ист текст. Во него се бара одговорност зошто „бугарскиот конзул во Ниш, Петар Данов, учествувал на отворената средба во градот, на која се разговарало за рударските проекти и граѓанската одговорност“. Дебатата беше поврзана со производството на литиум во Србија и еколошките прашања.

„Меѓутоа, она што привлекува внимание од оваа средба е присуството на бугарскиот конзул во Ниш, Петар Данов. Одамна е познато дека Бугарија покажува интерес за наводно загрозените права на своето малцинство во Србија, кои потоа ги злоупотребува за да ги направи неосновани бројните критики за нашата земја во меѓународните институции. Ваквото однесување на бугарскиот дипломатско-конзуларен претставник бара посебно внимание, но и јавна осуда“, се вели и во публикациите, кои се отворен повик до бугарскиот дипломат.