Втор златен медал за Бугарија-Стојка Крстева е олимписки првак во бокс
Бугарката Стојка Крстева стана олимписки првак во бокс во категоријата до 51 килограми во Токио.
Крстева ја победи со 5:0 судиски гласови Турчинката Бусе Наз Чакароглу, која е актуелна европска шампионка и светска вицешампионка.
За Бугарија ова е втор златен медал на Олимписките игри во Токио, по медалот на Ивет Горанова во каратето и прв златен медал во историјата на женскиот бокс во Бугарија.
Еден ден пред крајот на Олимписките игри во Токио, бугарските спортисти освоија 5 медали:
2 златни: Ивет Горанова и Стојка Крстева- карате и бокс.
1 сребрен: Антоанета Костадинова- стрелаштво.
2 бронзени: Тајбе Јусеин и Евелина Николова-борење.
