БЕЗ ОРГИИ, БАКНЕЖИ И ГРУПЕН СЕКС ВО ФИЛМОВИТЕ ЗА ВОЗРАСНИ

Додека Холивуд се бори за да се врати кон снимањето филмови со строги мерки, оддалеченост и помалку луѓе пред и позади камерата, индустријата за возрасни се бори со истите проблеми, но потребите таму се … малку поконкретни.

Сепак, минатата недела големите студија во САД полека почнаа да работат повторно, иако работите за нив се малку поразлични отколку порано.

На пример, Falcon Entertainment – една од најголемите геј порно компании во светот – се врати на процесот на снимање по тримесечен прекин, иако случаите на COVID-19 во Калифорнија неодамна повторно се зголемија.

Ова се случи откако „синдикатот“ на индустријата, Коалицијата за слобода на изразувањето (FSC), го покрена прашањето и ги натера локалните власти да ја укинат забраната за снимање.

Нивниот портпарол Мајк Стабил во изјава за магазинот „Ролинг Стоун“, вели дека организацијата не верува дека сè уште е безбедно да се снима, па затоа ги охрабрува актерите да ги одбиваат ангажманите ако тоа е можно. Според него, укинувањето на забраните е мотивирано главно од напорите да се минимизираат финансиските последици за индустријата.

„Знаеме дека за многу независни и мали компании, тоа е прашање на опстанок“, рече тој. „Нашиот план цело време беше да обезбедиме насоки за начините за намалување на ризикот, истовремено разјаснувајќи дека не може целосно да се игнорираат мерките за безбедност“.

Списокот на упатства вклучува заштитни маски, кои се задолжителни за тимот позади камерата, но не и за изведувачите, бидејќи нивната ефикасност би била занемарлива, со оглед на другите контакти помеѓу актерите.

Изведувачите и екипата, исто така, ќе треба да имаат негативни тестови за СОВИД-19 направени 24 часа пред денот на снимањето, но за разлика од оние тестови за сексуално преносливи болести, тестовите за коронавирус во голема мерка ќе бидат платени од продукциските куќи.

Falcon исто така им забранува на актерите да користат услуги како што е Uber, а исто така ги покрива и трошоците за престој во текот на ноќта во хотел додека се чекаат резултатите од тестовите за коронавирус. Компанијата дури ги следи социјалните мрежи на своите изведувачи за да се увери дека не отишле некаде на забава и дали ги следат мерките.

Една од главните разлики за време на снимањето е дека учесниците – пред и позади камера – треба да бидат сведени на минимум. Ова практично значи дека групниот секс во моментот е забранета територија.

„Ќе работиме секс сцени со двајца партнери“, рече Рајан Кеш, главен продуцент во компанијата „Brazzers“, која сè уште не снима и не планира да ја продолжи со работа во скоро време.

Патрик, директор на платформата за стриминг за возрасни AdultTime (чие презиме го чува во тајност), вели дека компанијата вовела привремен мораториум на „филмовите со четворица учесници, оргии и свингери кои менуваат многу партнери“.

Некои типови сексуални односи, исто така, ќе бидат привремено исклучени од филмовите, особено оние што вклучуваат огромна размена на телесни течности, како што се плукање, мокрење или сквирт. Бакнежите, исто така се ризични, па затоа некои компании препорачуваат истите да се исклучат од сценаријата.

Сепак, постојат скептици кои веруваат дека ограничувањата се целосно непотребни.


„Сигурна сум дека ако имате пенис во себе, ризикот не е помал од ризикот кога се бакнувате“, вели актерката Кејси Калверт.

Затоа многу изведувачи се двоумат дали воопшто да се вратат на снимањето филмови. Некои од нив се свртеа кон персонализирани социјални платформи како OnlyFans за да заработат пари, така што не гледаат причина да преземат ризици со снимање во живо.

Ова исто така создава неочекувани проблеми во кастингот за актерите. На пример, излегува дека е тешко да се “најдат MILFs *”, како што споделува Калверт, која режира такви филмови.

Сепак, проблемот со тестирањето останува најсериозен – тимовите се принудени да го сторат тоа во приватни лаборатории (за 35 долари), а резултатите понекогаш се одложуваат, а тоа ги одложува и самите снимања.

Некои актери, исто така, стравуваат дека нивните колеги би ги фалсификувале резултатите, што ги наведува на потегот и понатаму да одбиваат работа.

Излегува дека оваа загриженост не е неоснована – на 14 јули ФСЦ изјави дека има „барем десетина“ позитивни тестови за СОВИД-19 кај изведувачите и филмските екипи кои биле тестирани во приватни лаборатории, но резултатите од истите не биле пријавени. Затоа организацијата ја советува индустријата да почека малку пред да започне со редовно снимање филмови.

Сепак, компаниите на Патрик и Фалкон не планираат повторно да се затворат. Сепак, тие велат дека се подготвени да се усогласат ако ситуацијата излезе од контрола.

Сепак, разбирливо е дури и за луѓето во индустријата да се чувствуваат под притисок од околностите што ги оставиле невработени три или четири месеци. Како и на друго место, ова создава средина за можна експлоатација – продукциските компании можат да го свртат вниманието на некои незгодни мерки, додека актерите се согласуваат да преземат ризици, само за да го добијат својот хонорар.

Дури и Калверт, која е една од водечките ѕвезди во индустријата, го чувствува овој притисок. „Чувствувам дека ако не работам јас, некој друг ќе работи“, вели таа како заклучок.

(По материјали од странскиот печат)