БКИЦ-Скопје, БНУ „Здравеј“ и амбасадата на Бугарија го одбележаа крајот на учебната година и Меѓународниот ден на детето

Во отворената галерија на Бугарскиот културно-информативен центар во Скопје, БКИЦ-Скопје заедно со БНУ „Здравеј“ – Академија за иновативно образование и Амбасадата на Бугарија во Скопје, организира настан посветен на успешното завршување на учебната 2025–2026 година на учениците од Бугарското неделно училиште „Здравеј“ – Скопје и на 1 Јуни – Меѓународниот ден на детето.

Настанот беше отворен од г-ѓа Илијана Атанасова, директорка на училиштето, а во рамките на свеченоста на учениците им беа врачени свидетелства за завршено одделение и други постигнати образовни резултати во текот на учебната година.

Празничната програма продолжи со образовна иницијатива под наслов „Веселиот свет на животните“, која има цел да ги спои учењето со практични и интерактивни активности. Децата имаа можност одблиску да се запознаат со различни животни, да научат интересни факти за нив и да ги прошират своите знаења за животинскиот свет на достапен и ангажирачки начин.