Благоевград ќе биде домаќин на првиот форум ArtEduTech 2026
Младинскиот центар во Благоевград ќе биде домаќин на ArtEduTech 2026 – првиот иновативен форум во Југозападна Бугарија посветен на поврзувањето на образованието, технологијата и уметноста, пишува Пиринско.
Целта на настанот е да покаже како STEAM-пристапот, кој ги обединува науката, технологијата, инженерството, уметноста и математиката, може да придонесе за попрактична и покреативна настава.
Предавачи и експерти ќе презентираат добри практики и современи образовни методи. Учесниците ќе можат практично да работат со платформите Google for Education и Canva Education, како и со решенија на Samsung, и да ги развиваат своите дигитални и креативни вештини.
Форумот го организираат Општина Благоевград и Центарот за креативна обука, а главен партнер е Фондацијата „Лачезар Цоцорков“.
Учеството е бесплатно, но бројот на места е ограничен.
