Бугарија, Албанија и Северна Македонија ја завршија заедничката воена вежба Platinum Lion 23

Заврши заедничката воена вежба на формациите на копнените сили на Бугарија, Албанија и Северна Македонија „Platinum Lion 23“, што се одржа на полигонот „Ново Село“.

За време на вежбата, воениот персонал од трите држави покажа вештини во брзото распоредување во борба; спроведување марш, водење одбранбена битка и изведување контранапад, соопшти Министерството за одбрана на Бугарија.

„Platinum Lion 23“ се одржа под раководство на потполковник Иван Бонев, командант на 31 механизиран баталјон – Хасково од 2. механизирана бригада Тунџа – Стара Загора.

На свеченото затворање на вежбата, бригадниот генерал Станимир Христов, командант на 2. Тунџанска механизирана бригада, им се заблагодари на учесниците за вложените напори, покажаната професионалност, силна волја и мотивација во извршувањето на зададените задачи.

Во заедничката обука учествуваа воени лица од 31. механизиран баталјон од 2. механизирана бригада Тунџа, пешадиски вод од Република Албанија и пешадиски вод од Република Северна Македонија. Како резултат на тоа, постигнато е зголемување на интеракцијата и оперативните способности на формациите-учеснички при спроведување на заеднички акции во мултинационална средина, соопшти Министерството за одбрана на Бугарија.