Бугарија четврта година по ред дел од „Фестивал на мартинката 2026“ во Брисел

Бугарија четврта година по ред се приклучува на пролетната иницијатива „Фестивал на мартинката 2026“, која ги обединува балканските традиции на едно место во Брисел, јавува БНР.

Фестивалот ќе се одржи на 22 февруари во Мермерната сала на ULB (Avenue Franklin Roosevelt 50) во Брисел, во периодот од 10:00 до 18:00 часот. Годинава домаќин, според ротирачкиот принцип, е Романија, а покрај неа учествуваат и Молдавија, Бугарија и Северна Македонија.

Од бугарска страна, партнер на настанот е Бугарската културна асоцијација во Белгија, со поддршка на Амбасадата на Бугарија во Белгија и Извршната агенција за Бугарите во странство.

Програмата на „Фестивал на мартинката 2026“ опфаќа изложби, креативни работилници и уметнички настапи инспирирани од мартинката и пролетните обичаи.

Бугарската културна асоцијација во Белгија ги повикува своите сонародници да се вклучат во одбележувањето, со цел настанот да добие уште побогата и повпечатлива содржина.

Традицијата на мартеницата е впишана како заеднички елемент на Бугарија, Романија, Молдавија и Република Северна Македонија во Репрезентативната листа на нематеријално културно наследство на човештвото на УНЕСКО.