БУГАРИЈА ЌЕ КУПУВА БОРБЕНИ АВИОНИ „Ф-16“
Бугарија ќе купи борбени авиони „Ф-16“ откако собранието го отфрли ветото на претседателот Румен Радев за набавка на борбени авиони за Военото воздухопловство. За отфрлање на ветото гласаа 128 пратеници, а 73 беа против. За потврда за купување на авионите беа доволни 121 глас.
Расправата траеше околу два часа, а опозицијата претежно не се согласуваше со условите за купопродажниот договор, сметајќи ги за непрофитабилни за Бугарија. По одбивањето на ветото за набавка на авионите, претседателот треба е да ја потпише ратификацијата на договорот.
Извор: Макфакс
