Бугарија меѓу водечките земји во ЕУ по резерви на гас
Бугарија е меѓу земјите во Европската Унија со најголеми резерви на природен гас во подземните складишта, во период кога Европа се подготвува за следната грејна сезона, јавува БГНЕС.
Според најновите податоци, земјата е на шестото место по исполнетост на своето единствено складиште во Чирен, кое е пополнето на 35,26% од капацитетот заклучно со 27 март.
Пред Бугарија се Португалија, Шпанија, Полска, Италија и Австрија, додека просечната исполнетост на складиштата во ЕУ изнесува 28,3%.
Овие показатели ја ставаат Бугарија во релативно поволна позиција во однос на обезбедувањето резерви на природен гас во пресрет на зголемената побарувачка.
