Бугарија официјално стана членка на Европскиот механизам за стабилност

Вицепремиерот и министер за финансии Гулаб Донев учествуваше на официјалната церемонија по повод приемот на Бугарија во Европскиот механизам за стабилност (ЕМС) во Луксембург, јавува БГНЕС. Настанот се одржа по депонирањето на документот за ратификација на Договорот за основање на ЕМС во Генералниот секретаријат на Советот на Европската Унија.

По церемонијата на поставување на бугарското знаме меѓу знамињата на земјите членки на ЕМС, Донев учествуваше на Годишниот состанок на Управниот одбор на Механизмот, што претставува прво учество на бугарски министер за финансии на ваков настан. Тој се сретна и со Бугарите кои работат во европската институција.

Приклучувањето кон ЕМС претставува последен институционален чекор во процесот на воведување на еврото во Бугарија и дополнително ја продлабочува интеграцијата на земјата во фискалната и економската архитектура на еврозоната.