Бугарите во Болград ќе прослават 203 години од основањето на градот
Со разновидна програма на 23, 24 и 25 август жителите и гостите на Болград, Украина, ќе ја прослават 203-та годишнина од основањето на градот. Прославите ќе го комбинираат одбележувањето на Денот на националното знаме на Украина и Денот на независноста на земјата, информираше општина Болград на својата Фејсбук страница, јавува БТА, пренесува Радио Бугарија.
Градот Болград е основан во 1821 година од бугарски имигранти. Станал административен и културен центар на Бесарабските Бугари. Со средства од бугарските колонисти, на 29 октомври 1838 година во Болград е осветена катедралата Свето Преображение Господово. Дваесет години подоцна, во 1858 година, во Болград била отворена Болградската гимназија – првата бугарска гимназија, која одиграла значајна улога во историјата на бугарскиот народ.
Според официјалниот попис на населението, во Болград живеат 15.432 жители, од кои голем дел се со бугарско потекло.
