Бугарката Марина Иванова од Лондон: Нашите деца не треба да го сечат коренот со татковината

Марина Иванова е директор на добротворната организација „Фолклор, традиции и култура“, која десетта година по ред организира прослава на Ѓурѓовденското оро во Лондон. Од технички причини оваа година настанот се одржа подоцна од Ѓурѓовден. Минатиов викенд Бугарите се собраа на пикник во Брус Кесал Парк за да слушаат народни песни и да му се придружат на орото.

Еве што изјави за БТА самата Марина Иванова:

Можете ли да ми кажете нешто повеќе за настанот, како го организиравте, како го финансиравте, дали ви беше лесно?

Луѓето сами собраа средства за да ни помогнат да го организираме и ние сме многу благодарни. Спонзори се многу групи за народни игри, само во Лондон ги има преку 30. Многу ни помогна и добротворната организација „Ангели за Бугарија“.

Има ли странци заинтересирани за нашиот фолклор?

Паркот е бесплатен и доаѓаат сите националности. Нашиот фолклор им е интересен, нашите костими им се многу интересни.

Вие сте во многу убав костим. Од кој крај на Бугарија е?

Мојот костим е од Пиринскиот крај.

А фолклорот што го изведувате е од цела Бугарија?

Да, од цела Бугарија. Нашиот професор по музика е Маријана Павлова, ќерката на Христина Љутова. Се мачиме да го промовираме и прикажеме нашиот убав бугарски фолклор на повеќе места.

Гледам има многу млади и деца?

Да, има многу деца. Фала му на Господ. Всушност се работи за ова – нашите деца да не ги кршат корените со татковината. Да знаат нашите традиции, нашите песни, нашите танци, нашите ритми, нашите костими.

Дали имате некакви идни планови, цел за нешто поголемо, што да презентирате во Лондон?

Имаме пролетен фестивал Милфилд театар. Таму доаѓаат групи од странство. Тоа ќе биде во месец март за празникот 3 март. Се надевам дека повторно ќе ги видам групите овде и сите Бугари.

Што ќе им посакате на Бугарите што живеат во Лондон и на оние што се во Бугарија?

На Бугарите кои се во Лондон им посакувам да не ги заборават своите корени и од каде дојдовме, им посакувам да се вратат, да и помогнат на нашата татковина да застане на нозе, да се вратат таму да бидат среќни. И да бидеме со нашите деца!