Бугарска донација за учениците во селото Рапча, Косово
Бугарскиот амбасадор во Приштина Христо Краевски и командантот на бугарскиот контингент во КФОР, потполковник Венцислав Бонев, на 7 септември го посетија здружението „Обединети Бугари во Косово“ и училиштето „9 Мај“ во селото Рапча, општина Драгаш, јавува Радио Бугарија.
По повод почетокот на новата учебна година, на учениците им беа донирани училишни ранци, прибор и книги, а фудбалскиот клуб „Лудогорец“ обезбеди фудбалски топки, соопшти бугарската амбасада во Косово.
Иницијативата е дел од заедничките хуманитарни активности на бугарските дипломати во Приштина и бугарскиот контингент во КФОР за поддршка на децата во Рапча.
Во февруари 2026 година во училиштето „9 Мај“ беше отворен модерен мултифункционален кабинет, изграден со поддршка на бугарската држава.
Следната активност е планирана за 1 ноември, по повод Денот на народните будители.
