Претседателката Јотова го унапреди полковник Атанас Георгиев во бригаден генерал и го назначи за командант на 61-та механизирана бригада

Бугарската претседателка и врховен командант на Вооружените сили на Бугарија, Илијана Јотова, го унапреди полковникот Атанас Георгиев во чин бригаден генерал и го назначи за командант на 61-та Стрјамска механизирана бригада, соопштија од претседателскиот прес-центар.

„Новиот чин и назначување се признание за Вашите квалитети како командант и долгогодишните напори за развој на Копнените сили“, истакна Јотова на свечената церемонија. Таа нагласи дека новата функција носи и сериозни предизвици, особено во контекст на сложената геополитичка средина. „Ќе треба да најдете одговори на сложни прашања – гарантирањето на националната безбедност и одбрана во услови на бројни конфликти, недалеку од границите на нашата татковина“, додаде таа.

Јотова посочи дека 61-та механизирана бригада е формација со традиции и докажани способности, како и дека модернизацијата на армијата и воведувањето нова техника претставуваат сериозен предизвик. „Убедена сум дека со Вашата снаодливост, посветеност и храброст ќе се справите“, рече таа.

Бригадниот генерал Георгиев се заблагодари за укажаната доверба и истакна дека ќе работи посветено за да ја оправда. „Бригадата се наоѓа во преоден период со воведување нова техника и обука на персоналот… но останува и задачата за одржување на постојната техника и исполнување на уставната должност – одбраната на државата“, изјави тој.

Георгиев е роден во Хасково, дипломирал на Военото училиште „Васил Левски“ и на Воената академија „Георги С. Раковски“, а има учествувано и во мисии во Авганистан.