Бугарската влада одобри дополнителни средства за инвестициони програми во бугарското образование

Бугарската влада донесе одлука за доделување дополнителни средства во буџетот на Министерството за образование и наука и на општините за реализација на националните инвестициски програми во образованието, соопшти на брифинг министерот за образование во оставка Красимир В’лчев по владината седница, јавува БТА.

Тој прецизираше дека станува збор за три национални програми усвоени во 2023 година, чие спроведување започнало во 2024 година. Најзначајна меѓу нив е програмата за изградба и реконструкција на училишни спортски сали и спортски терени.

Во нејзини рамки се градат и обновуваат околу 165 спортски сали, од кои 45 се целосно завршени, а 120 се во тек на реализација. Изградени се 225 нови спортски терени во училишни дворови, додека уште 126 се во изградба.

Втората програма е насочена кон изградба и проширување на училишта и градинки за воведување едносменска настава и намалување на недостигот од места во предучилишното образование, со три завршени и 60 активни проекти.

Третата програма опфаќа санација и модернизација на студентските домови, со вкупно 32 проекти, од кои шест веќе се завршени.