Бугарската влада предлага началникот на ВМА генерал Венцислав Мутафчиски да биде одликуван со орден

Бугарската влада предлага генерал-мајор проф. д-р Венцислав Мутафчиски, началник на Военомедицинската академија (ВМА), да биде одликуван со орден „Св. св. Кирил и Методиј“ – огрлица, за неговиот долгогодишен придонес во воената медицина, здравството, науката и медицинското образование, јавува бугарското Министерство за одбрана.

Во образложението се истакнува неговата улога во воведувањето нови методи и техники во медицинската практика, примената на научните достигнувања во лекувањето и развојот на ВМА како водечки здравствен, научен и образовен центар со меѓународно признание.

Мутафчиски е специјалист по општа, воена и итна хирургија, универзитетски професор и научник. Меѓу неговите заслуги се наведуваат и подготовката на млади лекари и развојот на кадри во системот на воената медицина.