Бугарски претприемачки ги претставија своите бизниси на изложба во Лондон

Во Лондон на 17 октомври се одржа второто издание на изложбата „Бизнис експо 2026“, организирана од клубот „Бугарската жена во бизнисот“ и трговската комора London Southside Chamber of Commerce, чија извршна директорка е Радиана Влахова-Тиафат. Ова за БТА го соопшти претседателката на клубот, Тинка Денишева, пренесува БНР.

Повеќе од 12 бугарски претприемачки ги претставија своите бизниси пред меѓународни инвеститори и трговци.

Програмата на годинашното издание вклучуваше и модна ревија со учество на меѓународни модели од Лондонската модна недела, а дизајнерката Марија Николова продефилира во сопствена креација – фустан со рачно извезена глаголица.

Организаторите најавија планови за дискусии во Домот на лордовите и форум во британскиот парламент во јули 2027 година, посветен на имиграцијата, бизнисот и еднаквите можности.

Клубот, основан во 2023 година за поддршка на бугарските претприемачки во Велика Британија, ќе формира и стратегиски совет од девет члена. Следното издание на изложбата е закажано за 12 ноември 2027 година.