Бугарски средношколци освоија втора награда на меѓународен натпревар за дизајн на вселенска колонија

Дванаесет матуранти од Софија по вторпат освоија награда на меѓународниот натпревар Live in a Healthy Space Design Competition 2025, организиран од National Space Society во САД. Нивниот проект FlorAstra („Цвеќиња на ѕвездите“) беше награден со втора награда во конкуренција од над 2.500 проекти и повеќе од 14.500 ученици од дванаесет држави, јавува БНР.

Тимот разработи концепт за самooдржлива вселенска колонија во орбита околу Ceres, способна да обезбеди живот за 4.000 луѓе преку целосно затворен екосистем. Проектот предвидува одгледување повеќе од 40 видови растенија, целосна рециклажа на ресурсите, претворање на отпадот во храна и ѓубриво, како и автономна прехранбена система со генетски подобрени култури и 3Д-печатено месо од растителни протеини.

Посебен акцент е ставен на психолошката благосостојба преку одгледување на Rosa damascena и Rosa rugosa, чии етерични масла би се користеле и за медицински потреби на станицата.

„Човештвото е далеку од целосен живот во вселената, но убаво е да се сонува“, изјави Елица Павлова, член на тимот. Таа нагласува дека учениците самостојно го разработиле проектот, без менторска поддршка и без употреба на вештачка интелигенција.

Минатата година младите иноватори го претставија својот проект Galanthus на годишната конференција на National Space Society во Флорида, каде што се сретнаа со астронаути и научници и го посетија Kennedy Space Center.

„Пред нас седеа луѓе кои го изминале тој пат и сфативме дека и ние можеме да бидеме како нив“, рече Павлова.

Тимот најавува дека ќе продолжи со развој на по-практични вселенски проекти и со меѓународна соработка во иднина.