ЦУК: Едно лице починало и еден пожарникар е повреден при пожар на куќа во Оризари, кочанско
Денеска, регионалниот ЦУК Кочани известува дека пожарникарите од Територијалната противпожарна единица ТППЕ Кочани, по дојава во 9.52 часот, интервенирале на гаснење пожар на семејна кука во населба Оризари, општина Кочани, на улицата Љупчо Сантов бб. Било интервенирано со 3 возила од ТППЕ Кочани, 5 пожарникари и 4 мештани при гаснење на пожарот.
При пожарот во куќата починало едно женско лице на возраст од 80-ина години, а при противпожарната интервенција бил повреден и еден пожарникар.
По гаснењето на пожарот, сповикани се полициски екипи од Полициската станица ПС Кочани, кои вршат увид на самото место.
