DARA и „Bangaranga“ влегуваат во трката за наградите „Греми“ 2027

Бугарската пејачка DARA го продолжува меѓународниот успех по победата на „Евровизија 2026“. Нејзината песна „Bangaranga“ е пријавена за разгледување во четири категории на наградите „Греми“ во 2027 година, објави The Grammy Guru, повикувајќи се на ексклузивни информации, пренесува БГНЕС.

Песната е поднесена во категориите „Запис на годината“, „Песна на годината“ и „Најдобра поп-соло изведба“, додека DARA е меѓу кандидатите за „Најдобар нов изведувач“.

Станува збор за прв чекор кон евентуална номинација, а конечната листа ќе биде позната по официјалното објавување на номинациите од Американската академија за музичка уметност и наука.

По победата на „Евровизија 2026“, „Bangaranga“ стигна до 90. место на Billboard Global 200, а песната надмина 60 милиони стримови на Spotify.

Зад песната стои меѓународен авторски и продуцентски тим. Музиката е дело на грчкиот композитор и продуцент Димитрис Контопулос и DARA, која е коавтор и на текстот. Во тимот се и романскиот продуцент и композитор Monoir и норвешката текстописка Ан Јудит Стоке Вик.

Дали DARA ќе се најде меѓу официјално номинираните за „Греми“ 2027 ќе стане јасно со објавувањето на конечната листа.