Децата што учествуваа во проектот „Творилница“ ги покажаа вештините што ги научија во креативните работилници

//

Децата што учествуваа во креативните работилници во рамките на проектот „Творилница 2“ ги покажаа своите вештини пред гостите, менторите, координаторите, родителите и наставниците на специjaлен настан што се одржа во центарот „Јадро“ во Скопје. Проектот „Творилница 2 “ се спроведува од невладината организација „Здравеј“ со претседател Илијана Атанасова, која е и прв човек на саботно-неделното бугарско училиште во главниот град на РС Македонија.

Мило ми е што сте толку многу во овој проект за иновативно образование, овој друг начин на постигнување знаења и креативни вештини. Време е за пријателство, работа и да бидеме заедно, рече во своето обраќање амбасадорот на Бугарија во Република Северна Македонија Ангел Ангелов, кој беше гостин на настанот заедно со својата сопруга Билјана Ангелова и други претставници од бугарската амбасада.

За еден месец во „Творилница 2“ децата ги развија своите вештини, работејќи во четири клуба – за литература и новинарство, со раководител Ксенија Маказлиева Трајчева, за музика, со раководител Стефана Марковиќ, театар со раководител Ангела Стојановска и ликовна уметност со раководител Бојан Стојковски-Ковски.

Проектот „Творилница“се финансира од Бугарската помош за развој, што се обезбедува од бугарското Министерство за надворешни работи. Преку него деца на возраст од 7 до 18 години имаат можност да ги развијат своите вештини, да го надополнат своето знаење и да ја разбудат креативноста во себе.



Минатиот понеделник Творилница 2 имаше сличен настан во Струмица, со деца од училиштата во градот, а од 2 до 4 јули, проектот се сели во Охрид.



Претходна статија

(Видео) Шолц во Софија: РС Македонија треба да ги исполни сите услови

Следна статија

Бугарски новинари-поранешни дописници од Скопје: РС Македонија ќе стане дел од ЕУ, кога ќе дојде времето за тоа

Најново од Вести