„Демократска Бугарија“ предлага да се тргнат од јавните места сите комунистички споменици и симболи во Бугарија

Бугарската партија „Демократска Бугарија“ предлага да се отстранат сите комунистичките симболи од јавните места во Бугарија. Спомениците кои не можат веднаш да се преместат треба да бидат означени како „поврзани со комунистичкиот режим што ја довел земјата до национална катастрофа“.

Претходно денеска Мартин Димитров и група народни претставници од ДБ поднесоа предлог-закон за изменување и дополнување на Законот за прогласување за криминален комунистичкиот режим во Бугарија.

Измените предложени од нив практично ги обврзуваат државните органи и локалната управа да ги отстранат од јавните места симболите од периодот на комунистичкиот режим во Бугарија од 9 септември 1944 г. до 10 ноември 1989 г. . Ова се однесува на слогани, натписи, знаци, фотографии и какви било други предмети.

Предлог-законот забранува поставување симболи „лажно пресоздавање или величење на активностите и историјата на комунистичките организации“ на јавни места. Кога постоечки симболи или уметнички дела се споменици чие преместување не може веднаш да се изврши тие треба да бидат означени со следниов текст:

„Комунистичкиот режим во Бугарија од 9 септември 1944 година до 10 ноември 1989 година, кој ја доведе земјата до национална катастрофа и активностите на Бугарската комунистичка партија се прогласени за криминални со закон донесен од 38-то Народно собрание“.

Во случај на прекршување на правилата и непоставување табла, соодветниот регионален управник веднаш треба да ги отстрани спомениците.

Симболите или уметничките дела поврзани со комунизмот мора да укажуваат на криминалната природа на режимот, се вели уште во предлог законот на ДБ.