ДЕНЕСКА СЕ ВРАЌААТ ЗАТЕКНАТИТЕ МАКЕДОНСКИ ДРЖАВЈАНИ ОД ХРВАТСКА И МАЛТА

Со чартер летови од Загреб и од Ла Валета во Малта, денеска почнува враќањето во земјава на дел од македонските граѓани затекнати во странство.

Државниот секретар во МНР Зоран Попов вчера информира дека на повикот на МНР, што траеше до 22 март во 18 часот, за организирано враќање во земјава се пријавиле вкупно 5.250 македонски граѓани. Од нив, 2.900 се изјасниле дека сакаат да се вратат и прифаќаат задолжително да одат во државен карантин и да ја платат цената на чинење на авио-билетот.

Сите граѓани што ќе се вратат, без ислучок ќе одат веднаш во државен карантин и за тоа имаат дадена согласност.

Оваа акција, укажуваат од МНР, се однесува пред се на затекнатите наши граѓани во странство, а не и граѓаните на Северна Македонија кои имаат регулиран престој.