Дипломатите и историчарите збунети: 500.000 Македонци пристигнале во САД пред да постои Македонија

Пишува: Јасен Дараков, главен уредник на BGvoice.com

Бугарските дипломати и историчари се збунети како 500.000 Македонци пристигнале и се населиле во САД уште пред да постои Македонија како држава. Заклучоците доаѓаат од предлогот поднесен до Сенатот, со кој се бара септември 2023 година да биде прогласен за месец на македонско-американското наследство.

Предлогот го претстави републиканскиот сенатор од Индијана, Мајк Браун. Како аргументи се наведува дека Македонците пристигнале во Америка уште во 1880 година, иако македонската држава каква што ја знаеме денес не постоела. Или кажано поинаку, имигрантите кои пристигнале тогаш биле главно Бугари, ако се повикаме на историските факти за создавањето на Македонија, сега преименувана во Северна Македонија. „Македонец“ во тоа време е географска одредница, а не етничка.

Сепак, Браун, кој е член на комитетот „Пријатели на Македонија и Македонците Американци“ во американскиот Конгрес, тврди дека токму „Македонците“ во САД се 500.000 и имаат огромен придонес за развојот на државата. Тие се освојувачи на олимписки медали, тие се истакнати лекари, наставници, политичари, имаат придонес во науката, уметноста и бизнисот.

Текстот на резолуцијата раскажува дека од 1880 година до денес, десетици илјади Македонци емигрирале во Соединетите Држави барајќи граѓански слободи, човекови права, верски слободи, економски можности и безбедност како одговор на Илинденското востание против Отоманската империја од 1903 година, Балканските војни од 1912-1913 година, Првата светска војна и Втората светска војна, Граѓанската војна во Грција од 1946-1949 година и комунистичката политика на Југославија.

Во предлогот се наведува и дека оваа дијаспора е главно присутна во Мичиген, Њу Џерси, Њујорк, Охајо, Индијана, Илиноис, Пенсилванија, Флорида, Тексас, Аризона и Калифорнија.

Минатата година слична резолуција беше поднесена во Претставничкиот дом, но од американскиот конгресмен од Демократската партија од Пенсилванија, Брендан Бојл. Потоа, предлогот беше повторно да се назначи септември како „Месец на американското македонско наследство“ и да се слави македонскиот јазик, историја и култура на македонските Американци и нивниот неверојатен придонес за Соединетите Држави.

Сепак, „историски“ таа резолуција беше беше далеку подобро издржана. Во неа се зборуваше дека не Колумбо, туку Македонец ја открил Америка и за тоа е соодветно да се прогласи ден на Македонија во САД.

Еден од најљубопитните моменти во документот всушност остана неговата прва реченица за Македонците во САД од 1492 година, годината кога Колумбо стигнал на Бахамите. Во текстот беше наведено дека еден од членовите на екипажот на Колумбо е Македонец. Се викал Алфонсо де Охеда, но според Македонците бил „Драган од Охрид“.

Сепак, историчарите категорично го отфрлија ова тврдење.

***

Во изјава за македонската редакција на Гласот на Америка претседателот на Обединетата македонска диjаспора Мето Колоски признава дека предлогот за прогласување на месецот септември е со антибугарска позадина.

„Оваа резолуција е особено важна во време кога државата се соочува со негирање на македонскиот јазик и идентитет од страна на Бугарија“, изјави за Гласот на Америка на македонски јазик Мето Колоски, коосновач и волонтерски претседател на ОМД.