Дизајнот на бугарските евромонети ги има Мадарскиот коњаник, Свети Иван Рилски и Паисиј Хилендарски

Управниот совет на Бугарската народна банка (БНБ) денес ги одобри преработените графички проекти за българската национална страна на евромонетите од сите номинали – 1 цент, 2, 5, 10, 20 и 50 центи, како и 1 и 2 евра. Единствената промена во проектите е годината на емисијата, која е означена како „2026“, јавува БГНЕС.

Дизајнот на националната страна на монетите ја задржува традицијата и изгледот на сегашните бугарски монети. На евромонетите од 1, 2, 5, 10, 20 и 50 центи ќе биде претставен „Мадарскиот коњаник“, на монетата од 1 евро – „Св. Иван Рилски“, а на монетата од 2 евра – „Паисиј Хилендарски“.

БНБ истакнува дека овие симболи се веќе утврдени и добро прифатени од граѓаните на Република Бугарија. Задржувањето на истите ќе овозможи континуитет и лесна препознатливост на новите евромонети, додека ќе ја потврди и продлабочи националната идентичност преку познатите симболи.

Националната страна ќе биде произведена врз основа на проектите изработени од „Монетен двор“ ЕАД, додека заедничките страни на монетите ги следат дизајните на белгискиот кралски монетар, дело на Лук Луикс. На нив се прикажани симболите на Европската унија, што го претставува единството на ЕУ.