Драмскиот и куклен театар „Иван Радоев“ со три од најпрестижните награди на фестивалот за античка драма „Стоби“ во Велес

Плевенскиот театар освои три од најпрестижните награди на фестивалот во Велес за претставата „Антигона“ на познатиот бугарски режисер Александар Морфов.

Јубилејното 20-то издание на Меѓународниот фестивал за античка драма „Стоби“ – Велес започна на 2 октомври и на инсистирање на организаторите беше отворен од драмскиот и куклен театар Плевен „Иван Радоев“ со претставата „Антигона“ во режија на Александар Морфов. „Публиката полуде!“, „Ќе ги растргнат актерите…“ се само дел од коментарите на гостите на фестивалот по настапот. Бугарските актери беа буквално опколени од возбудената публика, а аплаузот траеше повеќе од 15 минути.

На 12 октомври, жирито на XX меѓународен фестивал „Стоби“, во состав Јордан Витанов – актер, Љупчо Георгиевски – режисер и Катерина Момева – драматург, едногласно ги додели следните награди: Гран-при за претстава за „Антигона“, во продукција на Плевенскиот драмски и куклен театар „Иван Радоев“, награда за најдобра режија на Александар Морфов и награда за најдобра машка улога на Дејан Донков за улогата на Креонт.