ДУИ: Патиките на Артан Груби чинат 138 евра на попуст
Се огласија од ДУИ по обвинувањата на ВМРО-ДПМНЕ дека првиот потпретседател на Владата, Артан Груби, носел скапи патики, кои чинеле колку една македонска просечна плата.
Од партијата велат дека патики чинат 138 евра, симнати на попуст од 212 евра.
„Денешната ВМРО-ДПМНЕ е непрепознатлива, која го пушти низ вода сето свое претходно раководство и се служи со омаловажување на другите преку Гебелска пропаганда. Затоа, Никола Груевски има четирипати поголем рејтинг од Христијан Мицкоски и повеќе од една третина на гласачите на ВМРО-ДПМНЕ не го поддржуваат Мицкоски, туку сè уште го сметаат Груевски за свој лидер.
ВМРО-ДПМНЕ треба да се извини за клеветите и за личните навреди упатени кон првиот потпретседател на Владата, г. Груби. Во прилог ви испраќаме доказ за цената на патиките за кои, замислете, се состануваше Извршниот комитет на ВМРО-ДПМНЕ и донесе стратешка одлука да креира уште една лажна вест по наредба на нивниот претседател во својата секојдневна колекција“, велат од владејачката партија.
Претходно, ВМРО-ДПМНЕ го обвини Артан Груби дека носел патики што чинат колку една просечна македонска плата.
