ЕК го поднесе 19-тиот пакет санкции против Русија

Европската комисија (ЕК) денеска соопшти дека е подготвен и поднесен за одобрување нов пакет санкции против Русија, со цел засилување на економскиот и политичкиот притисок врз Москва поради војната во Украина, јавува БГНЕС.

„Можеме да потврдиме дека Комисијата го усвои 19-тиот пакет санкции против Русија,“ изјави портпаролката на ЕК Паула Пињо на прес-конференција во Брисел.

Според претседателката на ЕК Урсула фон дер Лајен, новите мерки ќе бидат насочени кон финансиските институции, криптовалутите и енергетскиот сектор. Таа нагласи дека рускиот буџет, кој во голем дел зависи од приходите од продажба на фосилни горива, продолжува да ја финансира агресијата врз Украина.

На 16 септември фон дер Лајен имала телефонски разговор со американскиот претседател Доналд Трамп, при што биле разгледани дополнителни мерки за координирање на западниот притисок врз Москва.

Очекувањата се дека пакетот наскоро ќе биде разгледан од земјите-членки на ЕУ, а потоа и формално усвоен.