Екатерина Захариева го доби ресорот „Стартапи, истражувања и иновации“ во Европската комисија
Бугарската кандидатка за еврокомесарка Екатерина Захариева го добива ресорот „Стартапи, истражувања и иновации“ – ова стана јасно од претставувањето на составот на новата Комисија од претседателката на Европскиот парламент Урсула фон дер Лајен во Стразбур, јавува БНР.
„Треба да ги ставиме истражувањето и иновациите, науката и технологијата во центарот на нашата економија. Захариева ќе помогне да се обезбедат повеќе инвестиции и да се насочат нашите трошоци на стратешките приоритети“, рече Фон дер Лајен на нејзиното излагање.
Ресорот на актуелната бугарска еврокомесарка Илијана Иванова и нејзината претходничка Марија Габриел беше „Иновации, научно истражување, култура, образование и млади“. Во следната Комисија Екатерина Захариева од него ги наследи истражувањата и иновациите, но другиот дел од ова портфолио беше додаден на портфолиото на Малтежанецот Глен Микалеф, кој ќе биде одговорен и за правдата меѓу регионите.
