Екипи на Бугарскиот Црвен крст им помагаат на евакуираните во Свети Влас
Екипa на Бугарскиот Црвен крст – Бургас, заедно со доброволци од Доброволниот тим за реакција при несреќи, хаварии и кризи (ДЕРБАК) на БЧК – Бургас, парамедик од мобилниот здравствен тим на организацијата и доброволци од Општинската организација на БЧК – Несебар, активно учествуваат во пружање помош на погодените и загрозени лица во реонот на Свети Влас, јавува БГНЕС.
Доброволците и вработените на БЧК обезбедија вода, храна и прва лекарска помош. На 10 лица им е укажана медицинска интервенција.
Во зградата на општината во Свети Влас се евакуирани околу 60 луѓе. Екипите на БЧК – Бургас остануваат на терен и се во готовност да дадат поддршка во тековната евакуација.
Бугарскиот Црвен крст најави дека ќе продолжи да ги поддржува засегнатите граѓани, обезбедувајќи прва помош и покривање на основните хуманитарни потреби.
