ЕУ планира нови санкции за кинеските компании кои соработуваат со Русија
Европската Унија предложи воведување нови санкции за кинески компании обвинети за продажба на опрема што може да се користи за производство на оружје и поддршка на руската воена машина, пишува „Фајненшл тајмс“.
Цитирајќи податоци од копија од листата на санкционирани компании, весникот пишува дека новиот пакет санкции вклучува седум кинески компании за кои ќе разговараат властите во ЕУ, пренесува „Ројтерс“.
Европската комисија не одговори веднаш на барањата за коментар.
Некои компании како „Кинг-паи“ веќе се на списокот со санкции на САД под обвинение за снабдување на повеќе деловни субјекти на рускиот воено-индустриски комплекс.
