Фестивалот за двогласно пеење во Неделино Бугарија, ќе се одржи на почетокот на септември

Националниот фолклорен фестивал за двогласно пеење и народна музика со меѓународно учество во Неделино, Бугарија ќе се одржи на 1, 2 и 3 септември, информираат од локалната администрација.

Фолк ансамбли од Колумбија, Еквадор, Србија веќе го најавија своето учество на 22-то издание на традиционалниот фестивал, изјави за БТА градоначалникот на Неделино, Бојан Кехајов. Според него, на музичкиот настан се очекува да пристигнат гости изведувачи од различни континенти, додавајќи дека на минатогодишниот форум настапиле бендови од Европа, Азија, Америка.

Датумите за фестивалот се објавени доволно рано за илјадниците гости на Неделино да ги испланираат своите патувања за собирот. Манифестацијата се претвора во возбудлива прослава на фолклорот, а зголемениот интерес од странските изведувачи ја покажува се поголемата популарност на оваа музичка манифестација, велат од општина Неделино.

Организаторите очекуваат во пеачкиот конкурс да се вклучат ансамбли од сите фолклорни области на Бугарија. Странските групи ќе настапуваат надвор од натпреварувачката програма.