Фон дер Лајен ја поздрави Санае Такаичи: „Пишувате историја како прва жена премиер на Јапонија“

Претседателката на Европската комисија, Урсула фон дер Лајен, ја поздрави Санае Такаичи, која стана првата жена премиер на Јапонија, нагласувајќи дека таа „пишува историја“, јавува БГНЕС.

Во порака објавена на платформата X, Фон дер Лајен изрази поддршка и надеж за продлабочување на соработката меѓу Европската унија и Јапонија:

„Како прва жена премиер на Јапонија, Вие пишувате историја. Со нетрпение очекувам блиска соработка за да го издигнеме уникатното партнерство меѓу ЕУ и Јапонија на ново ниво — за нашата заедничка конкурентност и за нашата заедничка безбедност“, напиша таа.