| | |

(Фото/Видео) Градоначалникот на Њу Лексингтон со голем гест до бугарската заедница во САД: Го прогласи 14 јуни за Ден на фестивалот на Џануариус Макгахан

Вести, Видео/Фото, Истакнато, По надвор

Градоначалникот на Њу Лексингтон Трент Томпсон објави прокламација со која го објавува 14 јуни 2025 г. за Ден на фестивалот на познатиот американски новинар и воен дописник Џануариус МакГахан. Веста ја објави на својот профил во социјалната мрежа Facebook проф. д-р Иван Динев Иванов, кој е познат активист на бугарската заедница во САД.

„Драги пријатели, ова е официјалната прокламација издадена од градоначалникот на Њу Лексингтон, Трент Томпсон, по повод 47-иот фестивал „МакГахан“, со која 14 јуни 2025 година се прогласува за Ден на фестивалот на Џануариус МакГахан“, напиша проф. д-р Иванов и објави фотографија од самата прокламација.

Ви го пренесуваме и текстот на самата прокламација:

ПРОКЛАМАЦИЈА

БИДЕЈЌИ, Џануариус МакГахан беше истакнат новинар и воен дописник, чие храбро известување одигра значајна улога во подигање на свеста за злоупотребите на човековите права и промовирање на слободата и правдата; и

БИДЕЈЌИ, наследството на Џануариус МакГахан продолжува да инспирира новинари, историчари и борци за човекови права ширум светот; и

БИДЕЈЌИ, Њу Лексингтон ја препознава важноста на оддавање почит на локалните херои и прославување на нивниот придонес во нашата заедница и поширокиот свет; и

БИДЕЈЌИ, Фестивалот на Џануариус МакГахан овозможува можност за жителите и посетителите да се обединат и да го прослават животот и наследството на оваа извонредна личност преку различни културни, едукативни и заеднички активности;

ЗАТОА, јас, Трент Томпсон, Градоначалник на Њу Лексингтон, со ова го прогласувам 14 Јуни 2025 г. за

ДЕН НА ФЕСТИВАЛОТ НА ЏАНУАРИУС МАКГАХАН

во Њу Лексингтон, Охајо.

Дополнително, ги охрабрувам сите жители и посетители да учествуваат во фестивалските настани, да научат повеќе за придонесите на Јануариус МакГахан и да размислат за вредностите на храброст, правда и слобода за кои тој се залагаше.

Датум: 14-ти јуни 2025 година

Потпис:
Трент Томпсон, Градоначалник

Слични Објави