ГДУ БУТЕЛ: КОГА ЌЕ БИДЕ УРЕДЕН КАКО ШТО ДОЛИКУВА УЧИЛИШНИОТ ДВОР НА ОУ „СВ. КЛИМЕНТ ОХРИДСКИ“?

//

Членови на локалниот клуб на Граѓанско Демократска Унија во скопската општина Бутел ни испратија фотографии на коишто јасно се гледа во каква состојба е училишниот двор на ОУ „Св Климент Охридски“ во населба Бутел.

На фотографиите може да видиме дека тревата во дворот не е косена годинава. Истата е прекрасен терен за појава крлежи, болви, змии, а ако живеевме по на југ, немаше да не зачуди и појавата на комодо змејови.

„Ја прашуваме локалната самоуправа, дали деца на службеници на истата учат во тоа школо и дали воопшто им е проблем тоа што децата немаат друг избор освен да играат и да се дружат во таков неуреден двор?



Прашањa и до директорот на Основното училиште:

Кога мислите да го уредите училишниот двор? Кога ќе почнете да си ја работите работата за којашто сте платени? Ги очекуваме вашите одговори и се надеваме дека нема да го чекате крајот на училишната година, за да го решите овој проблем. Здравјето на децата и нивната безбедност додека се наоѓаат во училиште треба да Ви биде на прво место, г-не директор“- се вели во повикот на Граѓанско Демократска Унија-Бутел до локалната самоуправа на Општината.



Претходна статија

AA: ДОБРАТА ЖЕЛБА НА ЕВРОПСКАТА КОМИСИЈА НЕ МОЖЕ ДА ЈА СРЕДИ САМОУНИШТУВАЧКАТА СТРАТЕГИЈА НА СДСМ-ДУИ

Следна статија

ВО ТЕКОТ НА ДЕНОТ ЌЕ БИДЕ ИЗВЛЕЧЕН БРОДОТ ВО БУДИМПЕШТА

Најново од Вести