Ѓуров во Киев: Нема разлика меѓу Бугарите во татковината и оние во странство

„Не правиме разлика меѓу бугарските граѓани кои живеат во татковината и оние надвор од неа. Затоа е важно да ги слушнеме и разбереме вашите проблеми.“ Ова го изјави бугарскиот премиер Андреј Ѓуров на средба со претставници на здружението „Родољубие – проф. Иван Стојанов“, Друштвото за пријателство Украина–Бугарија, Кировоградската областна организација на Бугарите („Нашите луѓе“), претставници од градот Измаил, како и Бугари кои работат во претставништва на меѓународни институции во Украина.

Домаќин на средбата беше бугарската амбасада во Киев, раководена од Елена Ованезова.

Премиерот истакна дека сите активности на техничката и редовната влада треба да имаат одраз врз бугарските граѓани, без разлика каде живеат. „Нашата цел е да обезбедиме стабилност во оваа динамична средина со две војни и серија избори“, рече Ѓуров. Тој ги нагласи и очекувањата од техничката влада за организирање фер избори, додавајќи дека нивното успешно спроведување ќе претставува добра основа за понатамошен развој.

Како главен акцент во разговорите со премиерот, претставниците на бугарската заедница во Украина го посочија прашањето за изучувањето на бугарскиот јазик во земјата.