ГОРДАНА ВИНЧИЌ ЈА ПРЕТСТАВИ СВОЈАТА ИЗЛОЖБА „ИДЕНТИТЕТ“ ВО КАФЕ LI/ART LI
Синоќа во прекрасната кабаретна атмосфера на кафичот ЛИ/АРТ ликовната уметничка Гордана Винчиќ ја претстави својата изложба „Идентитет“. Културниот настан го измеша дружењето со пријателите и жедта за уметност на еден неповторлив начин. На едно место се споија интимноста на начинот на кој се доживува едно уметничко дело и желбата да споделиш убав момент со луѓето кои ја охрабруваат потрагата по возвишеноста.
„ Кабаре чувство, неодоливи напитоци, среќни посетители, предновогодишни желби и романтики, уметници, љубители на уметност и потрага по духовно задоволство. Култното “Кафе Ли Арт” по мене ги остварува сите критериуми на современо менанџирање и представување на ликовната сцена и се што оди при една таква искрена дружба. Пред се и самата уживав во новите познанства кои вечерта ми ја направија како остварен сон на еден уметник.” – изјави за нашиот портал авторката на уметничките дела Гордана Винчиќ.
“Галерија од убави и насмеани ликови како едн вистински предновогодишен ликовен настан, подзасилен со делата на авторката”- изјави Игор Љубовчевски ликовен уметник.
Во фотографиите што следат се надеваме дека ќе успееме да ви доловиме дел од прекрасната атмосфера во арт кафичот Ли, домаќин на овој културен настан.