Густ чад на подрачјето на Зајчев рид, горел отпад
Густ чад е заблежан позади Зајчев рид, информираат од општина Карпош на социјалните мрежи.
„При рутинска контрола на инспекциските служби на општина Карпош забележан е густ црн чад на подрачјето позади Зајчев рид. На лице место е констатирано дека непознати лица запалиле поголемо количество отпад во нива“, се подвлекува во напишаното.
Инспекциските служби по констатирање на состојбата пријавиле во противпожарната служба на Град Скопје, а информирана била и полицијата.
Според надлежните, по интервенција на пожарникарите огнот е изгаснат.
