Милошоски: Новиот министер за здравство е кумашин на Таравари, ова е клиентелизам и избор на Алијансата, а не на Ковачевски
Антонио Милошоски од ВМРО-ДПМНЕ од собраниската говорница констатира дека Беким Сали ќе биде најдолго разрешуваниот министер.
Според него, во државата има здравствена несигурност – за 2 години имаме 3 министри за здравство.
Милошоски рече дека за јануари и за февруари здравствените работници немаат земено плата.
„Во Фондот за здравствено осигурување има паднат систем, а директорот на Фондот 13 дена е на службено патување во САД. Ние имаме несигурни пациенти и здравствени осигуреници и несигурност кај докторите и здравствените работници. Ова создава оправдан револт кај граѓаните. Новиот министер за здравство е кумашин со претседателот на Алијансата за Албанците, а беше и претседател на Управниот одбор на Фондот кога Таравари беше министер за здравство. Ова е клиентелизам. Новиот министер е избор на Таравари, а не на Ковачевски“, рече Милошоски.
