„ХЕНДИКЕП ПЛУС“ ОД КРИВА ПАЛАНКА ЗАЕДНО СО „АКТИВЕН ЖИВОТ“ ОД ТЕТОВО СО ПРОЕКТ „РЕГИОНАЛНИ ПОЛИТИКИ ЗА ХЕНДИКЕП“

/

Здружението Хендикеп Плус од Крива Паланка, во партнерство со здружението Активен живот од Тетово, во јуни започна со реализација на проектот ,,Регионални политики за хендикеп”.
Проектот е поддржан од програмата Цивика мобилитас, програма на Швајцарската агенција за развој и соработка (СДЦ) за поддршка на граѓанското општество во Македонија, која ја спроведуваат НИРАС од Данска, Македонскиот центар за меѓународна соработка (МЦМС) и ФЦГ од Шведска.
Проектот ,,Регионални политики за хендикеп” ќе се спроведува во времетраење од една година на територијата на североисточниот и полошкиот регион.
Целта на предлог акцијата е унапредување и усогласување на регионалните политики во североисточниот и полошкиот регион со Конвенцијата за правата на лицата со хендикеп (КПЛХ).
Активностите во рамките на овој проект ќе придонесат кон усогласување на регионалните политики со КПЛХ и промовирање на учеството на Организациите на лицата со хендикеп во креирањето и донесувањето одлуки, како и подигнување на јавната свест по прашањето на хендикеп, зголемување на капацитетите на институциите по прашањето на хендикеп, подигнување на јавната свест за потребата од меинстримирање на прашањето на хендикеп како и обезбедување и креирање на услуги и сервиси на локално ниво, пристапни и достапни за граѓаните со хендикеп, стои во соопштението на „Хендикеп плус“ од Крива Паланка.





Претходна статија

ЕРДОГАН: РУСКИТЕ СИСТЕМИ С-400 ЌЕ БИДАТ ИСПОРАЧАНИ ВО ТУРЦИЈА ЗА 10 ДЕНА

Следна статија

ПОСТОЈАТ СИЛНИ ИНДИЦИИ ДЕКА УБИЕЦОТ НА 4 ЛИЦА ВО ТРАМВАЈОТ ВО УТРЕХТ ИМАЛ ТЕРОРИСТИЧКИ МОТИВ

Најново од Вести