ИСТРАГА ЗА ПРЕКИН НА ЕЛЕКТРИЧНА ЕНЕРГИЈА ВО ВЕЛИКА БРИТАНИЈА

На 9 август регулаторот за енергетика во Велика Британија почна истрага за прекин на електричната енергија во Лондон поради што болниците останаа без струја речиси еден час и патниците на железничката станица останаа заробени за време на ноќниот шпиц.

Претходно, Канцеларијата на пазарот за гас и електрична енергија објави прелиминарен извештај за прекин на електричната енергија, кој покажа дека почнал со удар на гром во преносна мрежа северно од Лондон.

Речиси во исто време двете електрани го намалија снабдувањето до националната електроенергетска мрежа предизвикувајќи автоматско исклучување, што остави 1,1 милион клиенти без електрична енергија.

Истрагата ќе испита дали националната мрежа што работи со системот за пренос имала доволно резерви на електрична енергија и дали производните станици ги исполниле своите обврски.

Извор: Макфакс