Изложба раскажува за храмот-костурница во Кресна, каде почиваат 526 бугарски офицери и војници, кои загинале во Балканските војни и во Првата светска војна

Албум со фотографии од архивата на Неврокопската епархија се претвори во постојана изложба која ја раскажува приказната за храмот и костурницата во градот Кресна.

Изложбата беше отворена од Неговото Високопреосвештенство Митрополитот Неврокопски Серафим, во присуство на научници од Југозападниот универзитет „Неофит Рилски“, членови на јавноста и деца од локалното училиште.

Црквата во Кресна, посветена на свети Иван Рилски Чудотворец, е изградена не само како молитвен дом, туку и како место каде се наоѓаат коските на војниците кои учествувале во Балканските војни (1912-1913) и во Првата Светската војна.

Првично, коските на 526 бугарски офицери, подофицери и војници беа положени во постариот храм, кој бил срушен во 1945 година, заради создавањето на нов урбанистички план. Меѓутоа, локалното население однапред одлучува каде и како да ги чуваат посмртните останки на војниците кои ги дале своите животи за Бугарија. Во 1938 година била донесена одлука за изградба на храм и костурница, а следната година започнала самата изградба. Две години подоцна храмот бил завршен и осветен, а во 1942 година коските на војниците биле ставени во новата црква посветена на Свети Иван Рилски.

Не така одамна во архивските материјали на Неврокопската епархија наидовме на фото албум обезбеден од наследниците на свештеникот одговорен за изградбата на храмот Димитар Попов, рече митрополитот Серафим. Во него се пронајдени фотографии од изградбата, посетите на митрополитот Борис, како и осветувањето на храмот, погребната молитва при подготовката на коските за нивно пренесување и други моменти кои претставуваат дел од историјата на Кресна.

Решивме да ги подготвиме во поголема форма, се разбира и да ги како направиме постојана изложба, рече митрополитот Серафим и додаде дека на овој начин секој што ќе дојде во храмот да им оддаде почит на загинатите војници ќе се запознае и со историјата на градот, а ова знаење за минатото е корисно и за помладата генерација.

На изложбата е претставена и табла со публикации поврзани со изградбата на храмот, кои биле отпечатени во „Црковен весник“ пред осум децении.

Митрополитот Серафим, заедно со локалните свештеници, отслужи погребна молитва. Претходно, тој им рече на учениците дека криптата на храмот е место „назначено да ги чува коските на оние кои ги жртвувале своите животи за да живееме во мир“.

„Цената за тоа ја платиле војниците кои бестрашно се бореле на фронтовите“, додаде владиката.