Јермак го информирал Рубио за нападот со „Искандер“ врз зградата на украинската влада
Непријателот ја нападна зградата на украинската влада во Киев во ноќта на 7 септември со ракета „Искандер“. За ова синоќа шефот на претседателската администрација Андреј Јермак го информираше државниот секретар на САД, Марко Рубио, јави украинската агенција УНН, пренесува БГНЕС.
Претходно беше соопштено дека ударот е изведен со дрон од типот „Шахед“. „За првпат непријателот ја нападна зградата на владата со ракета ‘Искандер’“, истакна Јермак.
Тој и Рубио разговарале за безбедносните гаранции, поддршката за Украина, зајакнувањето на санкциите против Русија, како и за координацијата на активностите со меѓународните партнери.
Министерката за економија и премиерка на Украина, Јулија Свириденко, заедно со министерот за надворешни работи Андреј Сибиха, организираа итна посета на оштетената зграда за претставници на 60 дипломатски мисии во земјата, соопшти украинското МНР.
